बाबुको मृत्युको दुई महिना नबित्दै छोराद्धारा ओमनमा आत्माहत्या

बुटवल । गुल्मीे राताडाँडाका रायमाझी परिवारमा शोक माथी शोक परेको छ । ईस्मा गाउँपालिका वडा नम्वर–२ रातडाँडाका ३३ बर्षिय नीरबहादुर रायमाझी ( निराजन ) ले बाबुको मृत्यु भएको दुई महिना नपुग्दै बैदेशिक रोजगारका क्रममा ओमनमा आत्मा हत्या गरेका छन ।

ओमनको राजधानी मस्कटको दारसाईटमा रहेको रेष्टुरेण्टमा कार्यरत रायमाझी आफ्नै कोठामा झुण्डिएर आत्मा हत्या गरेको उनका काका राजु रायमाझीले जानकारी दिए । रातडाँडा बेसी घर बनाएर बसे पनि उनिहरुको पुर्खेयौली घर मुसिकोट नगरपालिका–३ पेंगा हो ।

वडाध्यक्ष कर्णध्वज जिसीले दुई महिना अघि मात्र उनका बाबु देवबहादुर रायमाझीको हृदयघातबाट मृत्यु भएको र यस अन्तरालमा छोराले पनि ज्यान हाले पछि रायमाझी परिवार मात्र नभई सिंगो पेगा गाउँ र रातडाँडावासी शोकाकुल भएको बताए ।

वडाध्यक्ष जिसीका अनुसार मृतकका दुई छोरा , श्रीमति आमा तीत दाजु भाई र दिदी वहिनीहरु रहेका छन ।

मृतकको शव ओमन स्थित एक अस्पतालमा रहेको र नेपाली दुतावासले छिट्टै उक्त शव नेपाल पठाउने तयारी गरिरहेको ओमन स्थित एनआरएनका सचिव डिबी क्षेत्रीले जानकारी दिए । नीरबहादुर गत अ ाठ बर्ष देखि ओमनमा कार्यरतछ थिए । आत्मा हत्या गर्नुको कारण खुल्न सकेको छैन ।

प्रतिकृया दिनुहोस

सम्बन्धित समाचार