२६ मंसिरमा प्रदेश सभा

बुटवल।  प्रदेश ५ प्रदेश सभाको बैठक यही मंसिर २६ गते आह्वान गरिने भएको छ ।
मन्त्रिपरिषद्को बैठकले मंसिर २६ गते दिउँसो १ बजे बस्ने गरी बैठक बोलाउन प्रदेश प्रमुख उमाकान्त झालाई अनुरोध गर्ने निर्णय गरेको प्रदेश ५ सरकारका प्रवक्ता वैजनाथ चौधरीले जानकारी दिए ।
उनका अनुसार हिउँदे अधिवेशनमा १५ भन्दा बढी विधेयकहरू पेश हुनेछन् ।
यस्तै बैठकले प्रदेश सहकारी विधेयक सदनमा पेश गर्न स्वीकृति प्रदान गरेको छ भने सार्वजनिक खरिदसम्बन्धि कार्यविधि पारित गरेको छ ।
दाङ घोराही ८ ढिकापुर गाउँलाई वडा नम्बर ९ मा गाभ्नका लागि घोराही उपमहानगरपालिकाबाट आएको प्रस्तावलाई स्वीकृत गर्दै संघमा पठाउने निर्णय गरेको छ ।
प्रदेश सभाको यो हिउँदे अधिवेशनमा कानुन निर्माणलाई प्राथमिकता दिने सरकारको तयारी छ । त्यसका लागि सरकारले १५ भन्दा बढी विधेयकहरू तयार पारेको छ ।

प्रतिकृया दिनुहोस

सम्बन्धित समाचार