दैनिक पत्रले संविधान दिवस मनायो

बुटवल । दैनिक पत्र र जनसंघर्षको प्रकाशन संस्था बुटवल मिडिया प्रकाशन प्रा.लि.ले संविधान दिवसका अवसरमा ‘नयाँ संविधानको कार्यान्वयनका तीन वर्ष र भावी रणनीति’ विषयक अन्तरक्रिया कार्यक्रम सम्पन्न ग¥यो ।
कार्यक्रममा प्रमुख अतिथिको रूपमा बोल्दै संविधान सभा सदस्य नेत्र प्रसाद पन्थीले नयाँ संविधानमा सबै वर्ग एवं समुदाय र भाषा भाषीका अधिकारहरू संस्थागत भएकाले यसको सफल कार्यान्वयनमा जोड दिनु पर्ने बताए । उनले परिवर्तित सन्दर्भमा सरकारले अघि सारेका नीति र कार्यक्रमलाई सकारात्मक रूपमा लिंदै सघाउनु पर्नेमा जोड दिए ।
त्यसै गरी संविधान सभा सदस्य विनोद पहाडीले लोकतान्त्रिक गणतन्त्रको स्थापनामा प्रेस जगतको भूमिका महत्वपूर्ण भएकोले प्राप्त उपलब्धिलाई संस्थागत गर्दै सफल कार्यान्वयनमा जोड दिनु पर्ने धारणा व्यक्त गरे ।
सोही कार्याक्रममा बोल्दै नेपाल प्रेस युनियनका केन्द्रीय उपसमिति बाला अधिकारीले लोकतान्त्रिक मूल्य र मान्यतालाई सरकारले क्रमशः उल्लङ्घन गर्दै अगाडि बढेको आम नागरिकले महसुस गर्न थालेको चर्चा गर्दै प्रेसको स्वतन्त्रतालाई कुण्ठित गर्ने काम सरकारबाट हुनुहुँदैन, यदि नागरिकको हक खोस्ने काम सरकारबाट हुन्छ भने नयाँ प्रकारको आन्दोलन हुने उनले बताइन् ।
त्यस्तै गरी नेपाल प्रेस युनियनका महासचिव अजयबाबु शिवाकोटीले सरकार जनताको भावना विपरीत निरङ्कुश र गैर जिम्मेवार बन्दै गएको चर्चा गर्दैै लोकतान्त्रिक शक्तिहरू एकजुट भएर नागरिकको अधिकार संरक्षण र सामाजिक न्यायको पक्षमा अब आन्दोलन आवश्यक भएको बताए । मानव अधिकार तथा शान्ति समाजका केन्द्रीय उप–सभापति गोविन्द खनालले नागरिकको हक हितको संरक्षण, शान्ति र विकासको नाराका साथ अघि बढेको सरकारले जन अपेक्षा अनुसार काम गर्न नसकेको धारणा व्यक्त गरे । लुम्बिनी अञ्चल अस्पतालका निवर्तमान अध्यक्ष रमेश खनाल, उप–प्रध्यापक गोपाल प्रसाद चापागाईं, लायन्स क्लव अफ बुटवल स्टार्सका सचिव विजय कुमार वर्नवाललगायतले बोल्दै स्वास्थ्य र शिक्षा क्षेत्रका समस्याप्रति सरकारले विशेष ध्यान पु¥याउनु पर्ने बताए ।
दैनिक पत्र दैनिकका कार्यकारी प्रमुख तथा प्रधान सम्पादक बालकृष्ण चापागाईंको अध्यक्षतामा भएको सो कार्यक्रममा धन्यवाद प्रबन्ध सम्पादक ऋषि आजाद र सञ्चालन कार्यकारी सम्पादक सी.पी. खनालबाट भएको थियो ।

प्रतिकृया दिनुहोस

सम्बन्धित समाचार